Akhutshwe esitokisini ngebheyile yama-R5000.00 amapolisa amabini asebenza phantsi kwecandelo looKhetshe awanqakulwa avalelwa ngezityholo zokunyobisa.Esi sibini saseGoli esingu Captain Given Makhubela (42) noSergeant Jacob Tyantini (43) besivele ngoLwesihlanu weveki ephelileyo emva kokuvalelwa betyholwa ngokurhwaphiliza.
Kutyholwa ngelokuba bathi bafuna imali engange-R400,000 kusomashishini waseMthatha ngethuba bemtsalela umnxeba besithi inkampani yakhe inetyala elisuka kwisebe lezaBasebenzi awathi akungabinayo behlela ngezantsi bafuna imali engama-R50 000 ukuze bacime ityala banyamalalise idokethi.
Bavele ngoLwesihlanu ukuya kufaka isicelo sebheyile ngokumelwa liGqwetha labo uAdvocate Mnikelo Dalasile.Bayakubuyela kwakhona emaplangeni ngomhla wama-29 kuNovemba walonyaka.
