Ekugqibeleni lide lagwetywa ityala lokubulawa kukaKhayalethu Maqhina,nowathi wabulawa ngokungenalusini kwiminyaka emine enesiqingatha edlulileyo.Oyinkosikazi kaMaqhina nongumtyholwa wokuqala ugwetywe ubomi entolongweni,umtyholwa wesibini obelikrexe lenkosikazi kaMaqhina nekuvakala ukuba baqulunqa kunye ukubulala uMaqhina nongummi welizwe laseZimbabwe uthiwen nkaa ubomi naye,nomtyholwa wesithathu unikwe ubomi entolongweni.IJaji ebichophele eli tyala ithi khange anyaniseke nanjengoko ekuqaleni wayethembisile ukuba uzakuba lingqina lombuso nokungathethi inyani nokubandakanyeka ekubulaweni komyeni wakhe.
Kusenjalo usapho belunxunguphele kukungade ligqitywe elityala nanjengoko belimana limiswa ngenxa yezizathu ezahlukeneyo.Belikhe laxoxwa kwinyanga ephelileyo kwanyanzeleka ukuba limiselwe le imiyo inyanga nanjengoko bekufuneka kufakwe ingxelo yonontlanlontle nengeniswe nguMvulo weveki ephelileyo.Elityala oko lixoxelwa kwinkundla kaMantyi yaseCacadu,umama kaMaqhina ude waxola nanjengoko kwawiswa isigwebo nokuba benzeke ubulungisa ngonyana wakhe.Uluntu beluphume kangangoko luyonika inkxaso kusapho lakwaMaqhina nombutho iWomen’s Caucus yaseMalahleni ibikho imelwe nguKhansela Badikazi Thwala,nabahlali abasuka eVaalbank bebephume ngobuninzi;inkundla ibigcwele imi ngeembambo.
UMnumzana Luvuyo Mooi othethela usapho uthi ekugqibeleni bathe bafumana ubulungisa nanjengoko kukudala bequqa enkundleni befuna ukuba inkundla idlale indima yayo.UKhayalethu Maqhina wafunyanwa ebulewe ngokungenalusini kumawa eentaba zaseSidwadweni nekwabonakala ukuba izembe ekumbulalaleni.Ukhakhayi lwakhe lalimanxebanxeba.UMaqhina babengasoboni ngasonye neNkosikazi yakhe nanjengoko wayemrhanela ukuba ukrexeza nommi wangaphandle awayemqashile ukuba amfakele ithayilzi.
Esisibini sagqiba ekubeni simsuse endleleni yabo nanjengoko babesithi ngumqobo endleleni yabo.INkosikazi kaMaqhina yamtsalela umnxeba yathi kuye makeze azokumbalisela ngephupha lakhe kwaye eze yedwa angazi nomntwana wabo nalapho wafika ngobusuku wamngxixha ngotywala ngelifuna ukuphumeza izigqibo zakhe nekrexe lakhe nababefuna ibengathi uwe nemoto kuba indlela yayimanzi nabazama ukutyhala imoto ukuba iwele emaweni ibengathi yingozi.
