Limiselwe umhla wokuqala kwinyanga yoMnga ityala likaOvayo Ndaku.UOvayo ongumfundi webakala leshumi elinesibini kwisikolo iAttwel Madala eMthatha,wabanjwa wavalelwa etyholwa ngokudlwengula umfundi ekwavela ngethuba kuxoxwa enkundleni ukuba babethandana.UOvayo wakhululwa ngebheyile yeR1000,waze wafunelwa isikolo azkubhalela kuso iimviwo zokuphela konyaka.
Uluntu lwaseMthatha oluxhasa uOvayo Ndaku kuquka nekhaya lakhe belinethemba lokuba mhlawumbi uyakukhululwa nanjengoko lo wayesaya kuthandana naye natyholwa ngokumdlwengula wathi wafaka ileta ecima isimangalo.
“Isenza ixhala into yokumane limiswa ityala likaOvayo nanjengoko ejongene nokubhalwa imviwo zokuphela konyaka.Besinethemba lokuba namhlanje sokufumana ilizwi elimkhululayo uOvayo,”kucacisa uManenzokuhle Ndaku ongubhuti kaOvayo.
