Abaphandi bamapolisa kumatyala anobuzaza eMpuma Kapa baphantsi phezulu bezingela abarhanelwa abadubule lahlanz’iselwa kubantu abane eUgie kutsha nje.Kutyholwa ukuba kwisithuba sika-22.50 ebusuku sisithuthi esiluhlobo lweToyota Avanza eGrey ngombala ebesihamba kwilali iNtokozweni eUgie ngethuba sihlaselwa ngoonqevu abangaziwayo.Badubule amaxhoba ngemipu ekuvakala ukuba luhlobo lombaxa (rifle) nomkhono wekati (revolver).
Amaxhoba aphakathi kweminyaka engamashumi amathathu ukuya kumashumi amathathu anesihlanu ubudala.Kukholelwa ukuba abafi bebesuka kwindawo yaseNgcobo kwaye babhubhele kwindawo yexhwayelo.Isithethi samapolisa uLt,Col Siphokazi Mawisa ukthi kuvulwe amatyala amane okubulala,uphando luyaqhuba.Unobangela wolugebengo awukaziwa okwangoku.
Amapolisa abongoza uluntu luwancedise ukufanisa amaxhoba kodwa amanye amaxhoba afaniswa ngokubonwa kwezazisi.Amapolisa akwacela nenkcukacha ezingakhokelela ukuba kubanjwe ababulali ngokunxibelelana noD/Sgt.Mzwandile Baphi weProvincial SVC ku-0835107836/047 548 5815 kungenjalo ku-0860010111.
UMkomishinala wamapolisa ephondweni uLt.Gen Nomthetheli Mene usigxekile esi siganeko watsho ememelela uluntu luncedise amapolisa ukuza neenkcukacha ezingancedisa kubanjwe ababulali.
