I-Agente yezoKhenketho neePaki eMpuma Kapa (Eastern Cape Park and Tourism Agent) ivakalise inkxalabo ziziganeko zokuphangwa kwabakhenkethi kweli phondo ingakumbi kwidolophu yaseMthatha.Oku kubangele le-Agente ibambisene nomasipala waseKing Sabata Dalindyebo,isebe leZokhenketho kuzwelonke,amapolisa nezinye baqhube umngcelele ngoLwesine,weveki ephelileyo,ukusuka e-Ultra City ukuya eNelson Mandela Museum kumbindi wedolophu yaseMthatha.
Abaqhankqalazi bebejiwuzisa amakhephelele anemibhalo ethi :“Ukhenketho lwehlisa indlala nokungalingani” loo gama eminye ibisithi “ Crime Against Tourism is Against Economy”.Injongo yalomngcelele ibikukwenza isankxwe ngobungozi bokuphangwa kwabakhenkethi neziphumo zako.Ngokutsho kwale-Agente umkhenkethi ngamnye okhuthuzwayo loo nto ichaphazela abantu abahlanu ubuncinane kwicandelo lezokhenketho.
UFezeka Mlungu oyimanejala ephezulu kuphuhliso lokhenketho uthe “Zixhumile iziganeko zokuphangwa kwabakhenkethi eMthatha.amakhadi eebanki abakhenkethi ayohluthwa ngoonqevu.Asazi babonwa kanjani bona bodwa.Sizibona singakwazi ukuthula sibukele ukhenketho lusifa.”UMlungu uhlabe ikhwelo lokuba uphele lo mkhuba odala intswela ngqesho .Ukwathe uqoqosho alusoze lukhule lukhule kweli candela ngenxa yegama elibi kweli phondo.
UColonel Makaraka wamapolisa uthi amasebe karhulumente kumele asebenze ngokubambisana.UMakaraka uthi ukupolisa kuqala ekhaya,ukhuthaze amaqonga afana nala ukuba kuxoxwe ngemiba yokhuseleko.Ukanti naseMdumbi kweli phondo bekuphangwe abakhenkethi.UNkosi Mkhanyiseli Dudumayo womasipala wase-KSD ugxeke lo mkhuba njengochaphazela ukukhula koqoqosho nokugxotha abakhenkethi.
