Amapolisa aphantsi phezulu ephica abarhanelwa aboyanyaniswa netyala lokudutyulwa kubulawe abakhwetha ababini,kwilali yaseMntla eNgqamakhwe.Ekuzeni kuphela konyaka ophelileyo kwabikwa ukudutyulwa kubulawe abakhwetha ababini nekhankatha labo besebhumeni.
Esi sehlo sakhwankqisa uluntu jikelele,kukho nemibuzo yokuba bazakubanjwa nini abenzi bobubi.Sibhala nje kubonakala kukho umnyenyevu nanjengoko amapolisa ecela ukukhangeliswa indoda ekukholeleka ukuba ingancedisa ngeenkcukacha ezinokhokhelela ekubanjweni kwababulali.Le ndoda efunwa ngamapolisa nguZibekile Nkata (40) iyakhangelwa ukuze iphendule imibuzo ethile enokuncedisa uphando lwamapolisa.
Kucelwa nabani onolwazi ngoZibekile Nkata atsalele umnxeba kwezi nombolo:Umphandi wetyala: 0794089104 okanye uCrime stop ku: 0860010111.
