Yintatheli yeKhwezi
UMasipala ombaxa waseBuffalo City uyangqina ukuba kuthatyathwe amanyathelo malunga nolwakhiwo lwesirhoxo i-Enyobeni emveni kokuba kuye kwafunyaniswa ukuba yakhiwe kwindawo engazange ilungele oko,eScenery Park.Kwathi emva kwentlekele yokusweleka kwabantwana abangaphaya kwamashumi amabini kwenziwa uphando ngalendawo.
Yafunyaniswa ukuba isakhiwo eso zange sifumane ukuhlolwa phambi kokuba sakhiwe apho.Oku kuvela kwisolotya lesine 4(1) elikumgaqo siseko wolwakhiwo lwezindlu (section 4 (1) of National Building Regulations and Building Standards Act 103 of 1977.
Kuqapheleke ukuba le ndawo yakhiwe kuyo i-Enyobeni yindawo elungele ukuba kuhlale abantu kuphela hayi isirhoxo.Kusenjalo uMasipala ombaxa we-Buffalo City uthi akazange afumane sicelo sokuba makawakhiwe kulendawo,lilonke ukusebenza kwalendawo yentselo akukho semthethweni.Oku kugunyazisa ukudilizwa kwale ndawo.Kuza kunyanzeleka ukuba umasipala afumane isivumelwano esisemthethweni.
