Amapolisa aseGqeberha afumene inqwaba yeziyobisi ezixabisa i-R65 yezigidi kwintengiso yasesitratweni.Ezi ziyobisi zifunyenwe kwindawo yaseSea Port zingena zisuka kwilizwe laseBrazil.Uninzi lwezi ziyobisi ibiyicocaine ebiyenziwe yazizitena ezingamashumi amathathu anesihlanu.Amapolisa asaphanda abanikazi balo mthwalo,loo gama kungekabanjwa mntu.
Amapolisa oMzantsi Afrika ajongene neziyobisi azingomba isifuba ngokubamba iziyobisi ezithe xaxe ityeli lesithathu kwivekana nje ezintathu nanjengoko ebekhe amamba iziyobisi ekuqikelelwa ukuba zingenza imali ekumaR150 ezigidi kwintengiso yobumnyama zona zibanjwe kwiphondo laKwaZulu Natal.
UNjengele Fannie Masemola onguMkomishinala wamapolisa kuZwelonke uwaqwabele izandla amapolisa ngomsebenzi oncomekayo wokulwa ukuthengiswa kweziyobisi. “Amalungu ethu esipoliseni badophole banyothula lonke uhlobo lolwaphulo mthetho.Imini nobusuku sibamba inqwaba yeziyobisi.UMzantsi Afrika ayondawo yokudidinjelwa iziyobisi.UMzantsi Afrika ayondawo yodlalela oonqevu,”utsho uMasemola.
