Xa ugqiba kubeleka kwisibhedlela saseMthatha kufuneka uhlale uthi qwaa ugade okungekehli ngenxa yobusela obandileyo beentsana.UNontembeko Fusa (26) uzibhaqe sele engenamntwana emveni kweentsukwana ezisibhozo ebelekile.Umntwana kaNontembeko uye waduka ngophanyazo lweliso .Kuye kwanyanzeleka amapolisa weli loMzantsi Afrika kwiphondo kweli leMpuma Kapa angenelele.
Lo mntwana nobelahleke ngoMgqibelo umhla wesithandathu kulenyanga yoMqungu kulo umiyo uye wafumaneka.Kubhaqwe intombazana eneminyaka elishumi elinesine (14) kwisibhedlele saseMthatha General iyobhalisa lo mntwana ngelithi ngumntwana wayo.
Kuye kwakho urhano ngokuphathelele koku,kwaze kwahletyelwa amapolisa akufutshane,yabanjwa intombazana eneminyaka elishumi elinesine ubudala.Akakwazanga ukuzibamba yimincili uNontembeko ongunina kulo mntwana encoma namapolisa waseMthatha ngokuthi akhawulezise ekunqakuleni eli tutu lomntwana.Umrhanelwa uza kuvela kwinkundla kaMantyi kule veki.
