Isebe lezoLimo eMpuma Kapa lithumele amagosa ayoqwalasela umonakalo owenziwe kukutsha kwamadlelo eZilandana naseMahlungulu kuQumbu.Umlilo kukholeleka ukuba ubulele iigusha ezikumakhulu amabini waze watshabalalisa iihektare ezikumashumi amabini amadlelo.
Isithethi sesebe uAthule Joka uthe: “UMphathiswa uNonceba Kontsiwe ubonakalise inkxalabo ngumonakalo odalwe kukutsha kwamadlelo okukhokelele ekufeni kwemfuyo.Amagosa ezolimo athunyelwe ukuyoqwalasela umonakalo ze kuncediswane namafana atshelwe yimfuyo.
Ukanti kwiphondo lakwaZuluNatal isebe lakwaCOGTA lithi ingxowa karhulumente ishokoxekile emva kwenkanyamba ebulele abantu abalishumi elinesibini yaze yabangela omkhulu umonakalo, kwizisekelo ezingundoqo,oqikelelwa kwizigidi zeerandi kwidolophu yaseThongathi.Kwidolophu yaseShowe imililo yamadlelo ibulele abantu abalishumi elinesithathu, itshabalalise amadlelo nemizi kwafa nentlaninge yemfuyo ibulawa ngumlilo.
