Ukhululwe ngebheyile ye-R1000 umqhubi wemoto ojongene nezityholo zokubulala ngokungenanjongo emva kwengozi emasikizi esube imiphefumlo yabantu abathandathu ngaseMbizana kwiveki ephelileyo.USanele Zinkwantshu uyinikwe ibheyile yinkundla kaMantyi eMbizana ngoMvulo weveki ephelileyo.
Abahambi ngeenyawo abathandathu bagilwa yimoto awayeyiqhuba kuhola wendlela u-R61.Isithethi seGunyabantu lezoTshutshiso (NPA) uLuxolo Tyali eMpuma Kapa uthi uSiyavuya Sabelo (31),Sandiso Nkasa (30),Kamvelihle Dindi (24),Mvisiswano Ngaleka (24),Sibonele Potye (29),noMthokozisi Jabulana (29).Bonke aba baswelekeileyo bebehamba endleleni ngethuba imoto ebisuka eMbizana isiya ngaseMzamba yathi yaphaphalaza endleleni yabatshayisa.
UZinkwantshu (24) wabanjwa ngosuku olulandelayo watsho wayovela kwinkundla kaMantyi waseMbizana.Ityala lakhe lihlehliselwe umhla weshumi elinesihlanu kuJulayi ukuze kuqhutywe uphando.
