Ukhuthaza umanyano nokusebenza ngokubambisana uKhansela Zamekile Nondlevu owonyulwe njengoSodolophu waseNyandeni,kwintlanganiso yebhunga eqhube iintsuku ezimbini kwiholo yedolophu yaseLibode,kwiveki ephelileyo.UKhansela Nondlevu wonylelwe kwesi sikhundla ngaphandle kokuphikiswa esonyulelwa kweli bhunga elinamakhansela angamashumi amathandathu anesine.IANC yiyo elawulayo ngesininzi samakhansela angamashumi amahlanu anesine,kulandele i-ATM ngamakhansela amahlanu,emva kwayo ibeyi-EFF ngamakhansela amane,kanti i-UDM izuze izihlalo ezibini yaze i-DA yanesihlalo esinye ngokunjalo noMth’uzimele.Usomlomo webhunga nguKhansela Mcebisi Robert Mthobela aze uNomnikelo Yehana abesisabhokhwe selibhunga.
Kusose kwenyulwa namalungu ekomiti elawulayo alishumi-isibhozo kuwo siphuma kumbutho we-ANC ze i-ATM ne-EFF ibenesihlalo ngasinye.Kuye kwaphinda konyulwa amalungu asixhenxe azakumela eli bhunga kumasipala ombaxa wase-O.R Tambo.Amalungu amahlanu aphume kwi-ANC nakwesi isihlandlo i-ATM ne-EFF zathatha isihlalo umbutho ngamnye.
